Matthew 5

Wazi Zhin Tu Npe

1– 2Nwyihoi aza-yezhi ɓa be, wa laka wa lo epe sepa n wo abara yi wa sase wa ya ɓa nya wu.

3Wa gna, “Aza n ɓa gba ɓahim tukwo ɓa ku gode, ntu ge eshe ebemi zhin ɓa nya nu.” 4Aza nɓa n bugba zhi-zhiyi ɓa ku gode, ntuge a ɓa zhin ɓa atna. 5A hankuri zhin yi na tukwo gbayi yi ɓa ku gode ntu ge anyi vinya zhin ɓa nya nu. 6Agmada n aza aba n mikun gn ɓa, nuwan mikun yi wo ɓa n tu ɓefyece ɓo gama nubwo ɓei ku ɓa fu.

7Agmada n aza aba n ɓa zhin ɓe manayi n sun-sun gye yi, ntu ge aɓa gye ɓahin sun-sun. 8Agmada n aza aba nɓa bugba gyi-gyi-yi, ntu ge ɓa ɓei gye Shekwoyi. 9Agmada n aza aba n ɓa zan bugbafu shin, aɓa yi ɓa ge Shekwoyi aɓi. 10Agmada n aza aba na ga ɓa wahala ntu ɓe manayi zhin ɓo, Eshe ebe mi zhin ɓa nya nu.

11“Esa nu akpe fye aye nukwoyi, ai ga fye wahala, ai ce akata fi fye ntu ge fye zhin ma viyi nu-kwo bmiya lo. 12Fye zhin bugba bui-bui! A da fye, ntu ge lada dnagmayi shi lo kwoi pmi fye n ʼshe. Fye pa ge anabi kwo-kwoyi ɓo ku wahala sin lo nu ce.

13“Fye nu zhin sankpegye anyi nya, N fya fye dada ya, kniyi nu ɓa zhin anyi a? Efyehin nkasun a ɓa ya fye a kpe fye apita ntu ge fye to ye napma yi lon. 14Fye nu zhin buzangna anyi nya-ezhi n kwo kpe n ʼpe koyi kna buzangna ya ga aza vinya ɓa gye. 15– 16Fye to so fye buzangna m. Fye fa kwa fun n aza vinya aba, n lonu ʼza ɓa gye efye atnu-tnu manayi ɓa la fye Dada tu n wo dna n ʼshe nyi.

17“Mi ye fya kpe delili n kwa zhin miyi ɓe. Mi to ɓe ge ma wun Musa awa ɓedo anabi awyidnayi ya nun. Awo! Ma ɓe ntu ge ma nu ɓa, ma wu n jesun ge ɓa zhin gaiciya nu. 18N mi bugba yi vinya, Ma gna fye, owa doho-dohoyi kwo ɓa gyi abye lo nu har kwa nu oɓo na ye ce yi. 19Ntu ce nu ezaho-zahoyi, n wa zun wyidna ɓi-ɓiyi gna har wa wu azado lo nu, wo ɓa ze eza ɓiyi dna ebe eshe nya. Ama aza nu ɓa wu Shekwoyi awyidna ɓai shi ɓa bwa, ɓa nu ɓa ze aza dnagmayi dna ebe eshe nya.

20“Ama ma pma fye gna sai efye aɓo manayi zhin ɓa du a Farisiyawayi nya n na Yahudawayi abyeda yi, n to lo nu n, fye ta mi fya lo eshe ebe m!

21“Musa owa gna, ‘N ha wu eza, tile hafi n hohin’ 22Ama mi la nyado ɓe, ma gna fye, kwo n ha gyi minagyi dna n ho puwa, ho la lo owa. Ndei ha yi ho nugundo ge, tukwo gbolo da, ho la lo wahala n kwo knunce a lo hoi n owa bokun. Ndei ha tu eza ekni ho la lo wahala anapyi nya.

23“Ntu cenu kwo ho gni n bagadi aba ntu ge ha ga Shekwoyi sadaka, ha pa ge eho nugundo n ɓohoyi dna lo n womi n hoi, 24Ha ho sadaka fa kpa, ha lo, fya ku eda zo, ha kpe Be ha ga ho sadaka. 25Zhin wolo-wolo ha zo ɓeda n ho nuwunyi yi kada walo n hoi na wadayi aba har a she ho ya dna n jalu. 26N ɓo nu n ho ɓa dna sai ho ku agyiwye zo gba shi a tu ho sun.

27“Musa owa a gna ‘To zhin anagbayi m.’ 28Ama ma ci ge, ezaho-zahoyi n wa shi nyikwoza awye nna shaakpe wye y, wo ku anagbayi lu zhin n woyi dna wo bugba mi. 29Ntu ce nu, ndei oho wye kwo oho wye manayi nu n kwoyi-ɓa zhin ha wo shakpe, bikwo ya. Goma oho wye kwo wunya, n jdei nho ɓa lo anapyi n ho nayi vinya nyi. 30Ndei oho bwa-kwo bwai-zhe nu-ɓa zhin ho ha zhin laifi, ha zun kwo ya Goma n kwo zun-zun ya yi n doyi n ho ɓa lo anapyi n ho nayi vinya nyi.

31“Musa owa gna ge, ‘Ndei ezaho-zahoyi ye wa gna ewo nyikwo ami, sai wa ga wo wasika amigna nya.’ 32Ama ma ci ge, eza n wa gna owo nyikwo ami, ndei anagbai zhin ɓo nu to n, wo la nyikoyi ho dna anagbai zhin. Eza n wa la wo, wo ku anagbai zhin.

33“Musa owa kwa je da ge, ‘Ho ta bma ho alkawali ya n ha zhin ga Shekwoyi m, tile ha nu ɓa vinya.’ 34Ama ma ci ge, To zhin alkawali doho-doho yi m. Kwo ha ci ge, ʼN sheyi, kwo zhin alkawali gyi-gyi-yi nu n Shekwoyi aba, ntu ge eshe zhin Shekwoyi asese ba nu. 35Kwo hoi gna, ‘N nanyi yei deye kwo zhin nya-si nu, ntu ge anyi zhin owo apitakpe ba nu. To si nyasi n Urushelima yi m,’ ntu ge Urushelima zhin ezhi Esu dnagmayi nya nu. 36To si nya-si ha gna, ‘Nmi tukwo yi m,’ ntu ge ho ta mi ha zhin tukwoyi gmanyi kwa ze zhi-zhiyi kwo bui-bui m. 37Bwa ho nya ci ge, ‘E, nɓa zhin’ kwo ‘Awo, mi ta zhin m.’ Kwo la kun. N ha mi ho ɓeda gni n nyasi yi, kwo wu nu ge enya dna lo. 38Musa owa gna, ‘N eza bi ho ewye ya hohin ha bi wo nya ya. N nyikna nu, ha ka wo kpeya.’ 39Ama ma ci ge, To gba ɓe nukwoyi ta m. N eza ce ho epmi n na gnayi, ha wu wo bayi. 40Nna lo hoi na wada aba a eje gwo ho gmanyi, ha ku bayi ga. 41N soja gna ho ge ho la wa kaya ha lo cei mili gmanyi, lo n cei mili ngun aba. 42Eza n wa nya ho nya ɓo, ha ga wo, to ha bu aza si n ɓa ye ɓa ɓa ho nya m.

43“Ɓeda lo ai ci ge, ‘Ye n ha nugundo yi, ha wun oho anuwun yi nu.’ 44Ama ma ci ge, ye nha nuwun-yi yi. Zhin aduwa ntu naza ɓo nɓa ga ho wahala! 45N fya zhin lo nu, kwo ɓa wu ge fye nu zhin aɓi a gaiciy da, efye Dada nya n wo dna n ʼshe nyi. Ntu ge wo zhin wa ga nyipyei buzangna n na za manayi aba ɓedo na za nukwoyi yi, wa je ɓa tnu n gmayi n na ba gmanyi.

46“N fya ye naza yi nu n ɓa ye fye nyi, kni ɓemanayi nu shi lo ɓo a? Ntu ge a tna viyi zhin ɓa zhin lonu! 47Nfya bwa nugundo gyi n fya nugundo yi nu, fye shando lo na azaje yi nu? Aɓenayi bwa zhin lonu 48Ama kwo bmiya fya ze aza nunuyi, ngye shi efye Dada n wo dna n ʼshe nyi, wo zhin nunuyi nu.”